Policia e Las Vegas ka hequr dorë nga hetimi për një incident ku reperja Cardi B hodhi mikrofonin në drejtim një personi në turmën e koncertit.
Incidenti ndodhi fundjavën e kaluar pasi një pjesëtare e audiencës hodhi ujë në drejtim të interpretueses.
Një video e yllit duke marr çështjen në duart e saj në Drai's Beachclub u shpërnda në mediat sociale, shkruan BBC.
Por ajo tani nuk do të përballet me asnjë akuzë për shkak të "provave të pamjaftueshme", tha policia.
Avokatët e fitueses së çmimit Grammy u përgjigjën duke falënderuar policinë për "zgjidhjen e zellshme dhe të shpejtë të kësaj çështjeje", në një deklaratë të raportuar nga media të shumta.
Pamjet nga fillimi i koncertit treguan Cardi B duke i kërkuar një anëtari tjetër të audiencës që ta spërkaste nga pas, ndërsa ajo ktheu shpinën nga turma.
Më vonë gjatë përformancës, 30-vjeçarja shpjegoi se spërkatja e mëparshme i ishte bërë në shpinë dhe nën udhëzimin e saj, ndërsa kundërshtoi që pjesëtarja tjetër e turmës t'i hidhte papritur ujë i cili i ra asaj në fytyrë.
Mikrofoni në fjalë tani thuhet se është duke u shitur në ankand në eBay - duke arritur më shumë se 99,000 dollarë deri më tani.
