Aktorja Ashley Madekwe dhe bashkëshorti Iddo Goldberg kanë njoftuar lindjen e fëmijës së tyre të parë.
Ylli 39-vjeçar i lindur në Angli, e cila zbuloi shtatzëninë në prill, shkoi në rrjetet sociale për të ndarë lajmin me ndjekësit e saj në Instagram të hënën.
“Më pëlqente ta mbaja atë brenda trupit tim dhe tashmë më mungon… Por tani ai është këtu dhe ta mbaj në krahët e mi është një lumturi e pastër. Nuk ka asgjë të tillë”, shkroj ajo.
Më pas, duke postuar në InstaStory, ajo falënderoi bashkëshortin e saj që e bëri të ‘ndihej kaq e bukur’ gjatë kohës sa ishte shtatzënë.
“Më befasoi se sa shumë e doja. Faleminderit bashkëshortit tim që më bëri 1000 fotografi në mënyrë që të mos harroj kurrë përvojën më të mirë të jetës sime. Ti më bëre të ndihem kaq e bukur”, shkroi ylli në tjetër postim.
Çifti prej shumë vitesh u takuan kur po punonin për dramën britanike “Secret Diary Of A Call Girl”.
