Halle Berry foli pa u kursyer pasi Drake përdori një foto të saj pa lejen e saj për të promovuar këngën e tij të re.
Më 15 shtator, fituesja e 'Oscar' ndau një citim në Instagram që thoshte: "Ndonjëherë duhet të jesh djali më i matur... edhe nëse je grua!"
Dy ditë më parë, Drake publikoi këngën e tij të re "Slime You Out" me SZA dhe postoi në rrjetet e tij sociale një foto të Halle me lëngun jeshil në 'Nickelodeon's 2012 Kids' Choice Awards'. Krah saj ai nuk shkroi asgjë.
Kur një përdorues e pyeti aktoren për mendimin e saj për Drake që përdorir foton e saj, Halle komentoi në faqen e saj, "Prandaj erdhi edhe ky postimi im sot. Kur njerëzit që admironi ju zhgënjejnë, ju duhet të tregoheni një person më i matur dhe të vazhdoni!"
Aktorja gjithashtu komentoi, duke iu përgjigjur një fansi tjetër: "Njerëzit e tij telefonuan njerëzit e mi dhe unë thashë JO. Nuk më pëlqeu ajo foto me lëngun në fytyrën time që të përdorej në lidhje me këngën e tij. Dhe ai zgjodhi për ta bërë gjithsesi! E shihni...kjo është mosrespekt. Nuk është mirë!"
Ndërkohë, një person tjetër i shkroi Halle-s në faqen e saj, "Unë të kuptoj. Por ajo foto është në pronësi të Getty Images. Kështu që jam i sigurt se ai mori lejen e tyre. Dhe pagoi tarifën. Pse je mërzitur." Aktorja u përgjigj: "Sepse ai më pyeti dhe unë i thashë JO, kjo është arsyeja pse. Pse të pyesësh nëse ke ndërmend të bësh atë që dëshiron të bësh! Kjo ishte f--k për mua. Nuk është mirë. E kuptoni?"
Aktorja gjithashtu komentoi: "Ka të bëjë me parimet dhe integritetin. Sa e lumtur që shumë prej jush e keni kuptuar këtë."
"Slime You Out" përmban tekstin, "I'm slimin' you for them kid Choices you made" dhe është pjesë e albumit të ri të Drake 'For All the Dogs', i cili do publikohet më 6 tetor.
SZA gjithashtu kishte ndarë të njëjtën foto të Halle në Instagramin e saj ditën e publikimit të këngës. Nickelodeon komentoi në postimin me një emoji të një fytyre me vetull të ngritur.
Drake ka qenë prej kohësh një fans i Halle, dhe për vite me radhë, u duk se kishin një respekt të ndërsjelltë. Në një remix të vitit 2013 të këngës së Migos "Versace", ai këndon: "Unë po përpiqem t'i jap Halle Berry një fëmijë dhe askush nuk mund të më ndalojë". Në vitin 2016, Halle ndau në Instagram një foto të unazave dhe shkroi, "Ne kemi nevojë për disa gjëra vërtet të bukura. Ne kemi nevojë për disa unaza vërtet të mëdha", duke cituar nga kënga e Drake dhe Future e vitit 2015, "Big Rings".
Në prill 2019, reperi u fotografua i veshur me një xhaketë me një imazh të aktores si personazhi i saj Bond Girl Jinx nga filmi i vitit 2002 'Die Another Day'.
"Mendova, 'Uau, Drake. Faleminderit'," tha Halle në The Tonight Show me Jimmy Fallon asokohe.
