Kenneth Petty, bashkëshorti i reperes amerikane, Nicki Minaj, është dënuar me 120 ditë arrest shtëpie, pasi ka shkelur kushtet e dënimit duke postuar në internet video inkriminuese që duket se kërcënojnë bashkëshortin e Cardi B dhe reperin, Offset.
Në një urdhër gjykate të paraqitur të mërkurën, më 20 shtator, në Distriktin Qendror të Kalifornisë, Petty u urdhërua të kryente monitorimin në shtëpi pasi ai “u regjistrua në video duke bërë vërejtje kërcënuese ndaj një individi të caktuar ndërsa ishte në shoqërinë e dikujt me precedentë penalë”.
Individi specifik i përmendur është reperi Offset dhe klipet kanë të bëjnë me një sërë mesazhesh që synonin reperin që u shfaqën në rrjetet sociale më 16 shtator.
Në videon që u bë virale në mediat sociale më 16 shtator, Petty dhe disa nga shoqëruesit e tij shihen jashtë një hoteli në New York.
Në një video të postuar në rrjetet sociale të Offset, reperi ka larguar kërcënimet.
Kujtojmë se Petty u dënua me tre vjet lirim me kusht në korrik 2022 pasi u deklarua fajtor për dështimin për t’u regjistruar si shkelës në shtetin e Kalifornisë në vitin 2020.
Në vitin 1995, Petty u dënua për tentativë të shkallës së parë për dhunimin e në vajze 16-vjeçare dhe kaloi katër vjet në burg në New York.
