Kompania e produksionit që qëndron pas “Aquaman and the Lost Kingdom”, DC, iu është përgjigjur pretendimeve se Jason Momoa ishte i dehur në xhirimet e vazhdimit të filmit dhe se ai u përplas me kolegen e tij, yllin Amber Heard.
Aktorja ia bëri këto akuza psikologut të saj, Dr. Dawn Hughes, i cili supozohet se i ka shkruar të gjitha në një bllok ligjor si pjesë e seancave të tyre shumëvjeçare.
Shënimet e psikologut u dorëzuan si pjesë e çështjes së profilit të lartë për shpifje të Heard që përfshin ish-bashkëshortin Johnny Depp, por gjykatësi në atë rast vendosi që shënimet nuk ishin të pranueshme për arsye se u konsideruan thashetheme, raporton Entertainment online.
Pasi Depp fitoi çështjen e shpifjes, Heard tha në një paraqitje televizive se ajo do të donte që “një deng shënimesh që datojnë nga viti 2011” të lejohej si provë për të ndihmuar në forcimin e çështjes së saj.
“Jason tha se donte që unë të shkarkohesha, Jason ishte i dehur — vonë në xhirime. I veshur si Johnny. Me të gjitha unazat, po ashtu”, thonë shënimet, sipas “Variety”.
Por një zëdhënës i DC i hodhi poshtë këto pretendime, duke thënë se Momoa “u soll në mënyrë profesionale në çdo kohë në xhirimet e ‘Aquaman and The Lost Kingdom’. Ne jemi të emocionuar që audienca ta shohë filmin këtë dhjetor”.
