Gigi Hadid dhe Bradley Cooper kanë përdorur shtëpinë e Taylor Swift si një "fole të fshehtë dashurie".
Sipas një raporti të ri, çifti i përfolur ka kaluar kohë në rezidencën e Taylor në Rhode Island për t'u shpëtuar syve të njerëzve në qytetin e New Yorkut.
“Taylor është romantike dhe i pëlqen të luajë kupidon për miqtë e saj”, tha një burim për 'The Mirror' në Mbretërinë e Bashkuar. “Edhe pse Gigi dhe Bradley kanë pronat e tyre në New York, ata donin të shkonin në një vend më privat për të kaluar kohë duke u njohur me njëri-tjetrin dhe Taylor ishte shumë e lumtur për të ndihmuar,” tha më tej burimi i brendshëm. “Ajo tha se dera e shtëpisë së saj është gjithmonë i hapur për ta.”
Në pronën me tetë dhoma gjumi, ku u xhirua edhe kënga hit e Swift "The Last Great American Dinasty", janë zhvilluar disa festa të mëdha në 4 korrik ku ka marrë pjesë edhe Gigi.
Zërat për romancë mes Gigi dhe Bradly nisën në fillim të këtij muaji, kur ata u panë duke ngrënë bashkë dhe më pas duke u larguar me të njëjtën makinë. Disa ditë më vonë, dyshja u panë duke u kthyer në New York pas asaj që dukej të ishte një arratisje romantike. Ishte e paqartë se ku saktësisht dyshja kishte qenë, por ata dukeshin në humor të mirë ndërsa shkarkonin bagazhet e tyre nga makina e aktorit të "Hangover". Ata thuhet se u njohën pasi ish-i i Cooper-it, Irina Shayk i prezantoi.
“Gigi u prezantua me Bradley-n përmes Irinas dhe miqve të tyre të përbashkët në industri,” zbuloi një burim për 'The Messenger'. “Gigi dhe Irina kanë qenë të afërt gjatë viteve duke punuar së bashku, dhe janë shoqëruar më parë, por ka qenë gjithmonë miq në mjediset sociale.”
Gigi u nda nga Zayn në tetor 2021, pas gjashtë vitesh lidhje. Ajo u lidh më pas me shokun e Cooper, Leonardo DiCaprio. Hadid dhe aktori i "Great Gatsby" ndezën për herë të parë thashethemet për romancë në shtator të vitit 2022 dhe - pavarësisht raporteve të pabazuara se u ndanë në dhjetor të atij viti - ata u panë së bashku deri në verën e vitit 2023.
Ndërkohë, Cooper dhe Shayk u ndanë në qershor 2019. Pati aludime se ata u ribashkuan në fillim të këtij viti pasi shkuan në një udhëtim në Evropë së bashku mes romancës së re të Shayk me yllin e NFL, Tom Brady.
