Ish-banorja e “Big Brother VIP”, Diola Dosti, ka mohuar të jetë në lidhje me një reper. E ftuar në “Mos i bjer me top”, “E Diell”, Ronaldo Sharka dhe Erjola Doçi e ngacmuan Diolën duke e pyetur nëse është në një marrëdhënie me një reper të njohur shqiptar.
Dosti e mohoi një gjë të tillë, madje shtoi se nuk do të merrej asnjëherë me një personazh publik, pasi boll po e vuan vetë mungesën e privatësisë.
Ronaldo: Agjenti sekret na ka thënë mua dhe Erjolës se ti ke filluar një romancë me një reper të njohur shqiptar
Diola: Qyqja, edhe me reper (qesh), që nuk ashtu fare. Jo, të ka dhënë informacion shumë të gabuar. Nuk kam asnjë lloj romance me asnjë
Ronaldo: Sa e sinqertë je me këtë përgjigje që po thua?
Ronaldo: Tani ose ky agjenti duhet pushuar urgjent nga puna për këto informacione jo shumë serioze, ose Diola po gënjen
Erjola: Ose Diola duhet të na thotë se ka edhe një variant të tretë, të na thotë se është në një marrëdhënie apo jo momentalisht
Diola: Nuk jam në një marrëdhënie momentalisht, nuk mund të gënjej për faktin se sigurisht ka njerëz që duan të jenë në një marrëdhënie me mua flas. Nuk do të merresha asnjëherë me një personazh publik. Boll po e vuaj vetë këtë mungesën e privatësisë.
