Mund ta përmbledh këtë këngë në një frazë të thjeshtë. "Ju nuk e dini se çfarë keni derisa e humbisni." por kjo nuk do të ishte shumë filozofike, apo jo?
Një tjetër këngë e shkruar mjeshtërisht nga Alban Skënderaj që gjeti një mënyrë të re për të na bërë të kuptojmë se çfarë do të thotë të humbasësh gjërat që i marrim si ‘të mirëqena’.
Vetë Albani ia dedikon nënës së tij këtë kryevepër, por rreshtat e saj janë padyshim një mesazh universal për këdo. Nëna e Albanit u nda nga jeta në 2017, nga një sëmundje e rëndë.
Vargjet theksojnë se si ne priremi të mos i vlerësojmë njerëzit derisa ata të mos jenë më të pranishëm.
“Sikur ta dija
Do të shtrëngoja ditë e natë
T'i puthja duart
Të thoja se sa jam me fat
Sikur ta dija
S’do vija kurrë asgjë në botë
Para lumturisë tënde, veç...”
Fraza "Sikur ta dija/ Nuk do ta merrja të mirëqenë/Aspak dashurinë tënde" godet si një gozhdë dhe shpjegon qartë se për çfarë bën fjalë e gjithë kjo këngë. Kur e doni dikë dhe ai është larguar nga jeta juaj, për çfarëdo arsye, ju ndjeni një zbrazëti dhe një trishtim ndërsa kupton se sa shumë do të thoshte ai person për ju.
Refreni është një nga pjesët më të fuqishme të këngës, duke përmbledhur mesazhin qendror në vetëm disa rreshta. “Ty dielli të mungon, vetëm kur bie shi.” Refreni na kujton se shpesh vetëm kur humbasim dikë e kuptojmë se sa shumë vlerë kishte për ne.
“Ty dielli të mungon,
vetëm kur bie shi
Dhe unë po ndihem sot,
një foshnje në vetmi
Se kurrë nuk zura mend,
ndaj jeta më ndëshkon
Ta dua diellin tim
kur është tepër vonë.”
Kjo pjesë shkon drejtpërdrejt në vetë-reflektim. ‘Ai’ ka mbetur vetëm me kujtimet e saj dhe të gjitha gabimet që ka bërë. Në fund ai thjesht dëshiron ta kishte vlerësuar më herët.
Ndaloni pak, reflektoni një moment nga jeta juaj e ngarkuar dhe merrni disa sekonda për të vlerësuar gjithçka që keni. Vlerësoni atë që keni tani dhe mos u pendoni për të në të ardhmen.
Ndoshta është dikushi në jetën tuaj që vlen sa gjithë bota për ju, por nuk ia keni thënë kurrë – thjesht mendoni se e dinë, apo jo? Ose dikush që bëri një ndryshim pozitiv dhe domethënës në jetën tuaj në një moment të caktuar, por ju kurrë nuk ia keni thënë këtë?
Falënderoni njerëzit para se të jetë tepër vonë - le të mos presim ‘lamtumirën’ për t'u treguar njerëzve se sa kanë rëndësi për ne.
