Këngëtarja e njohur e cila është një ndër artistet që mban skenën muzikore shqiptare tash e sa vite, Shyhrete Behluli së fundmi ka folur rreth preferencave të saj muzikore, ku deri diku dha dhe një deklaratë të papritur.
Ajo u shpreh se pavarësisht se i takon dhe përfaqëson një zhanër tjetër të muzikës, pëlqen shumë edhe zhanrin rep, e sidomos ashtu siç e krijojnë reperët kosovarë për të cilët tha se i dëgjon të gjithë.
“Qeta të rinjtë krejt më pëlqejnë, krejt i dëgjoj, pa marrë parasysh a më pëlqen naj këngë e tyre a jo, por në përgjithësi reperat tonë më pëlqejnë se janë shumë të mirë, kanë kongë të mira.
Pa marrë parasysh çka unë jam, çka unë transmetoj te publiku, unë çdo gjë e dëgjoj, se m’pëlqen. M’pëlqen me dëgju edhe zhanre tjera, sidomos kongë të reperave kosovarë që janë”, u shpreh ajo.
