Heidi Bacit së fundmi i ishte dhënë një mision nga ‘Vëllai i Madh’ në shtëpinë e famshme për të rritur çmimin e madh për dhjetë mijë eurosh.
Të martën hyri një banor i ri, animatori Lidi Delia, ku ajo duhej të thoshte se ishte vëllai i saj i madh, ndonëse të gjithë e dinin që modelja ka vetëm një vëlla më të vogël.
Biondja i bindi të gjithë konkurrentët përfshirë edhe Romeon, pasi kishte bashkëpunuar me Lidin, për të marrë më shumë informacione rreth jetës së tij.
Ditën e djeshme (e mërkurë) në shtëpi arriti një ‘zarf i bardhë’, i cili edhe zbuloi të vërtetën.
Në zarf thuhet se ky ishte një mision për Heidin dhe që u përmbush me sukses.
Banorët mbetën të befasuar, edhe pse dyshonin për marrëdhënien e tyre.
Dhe me këtë rast, çmimi i madh arriti deri në 80 mijë euro, gjë për të cilën Baci u shpreh e lumtur.
