Galaxy A50 është njëri nga shumë modele të Samsungut të kategorisë së mesme dhe versioni i tij i përditësuar për vitin 2019 vjen me brend dhe filozofi të re.
Megjithatë, as dizajni i tij e as specifikat nuk japin përshtypjen e një smartfoni premium. Por a është e mundshme që ta gërvishtim? A mund t’i mbijetojnë flakës pikselët e ekranit? Dhe në fund, a do të mund të lakohet ky smartfon?
Të gjitha këtyre pyetjeve i është përgjigjur kanali i njohur në YouTube, JerryRigEverything, i cili në testet e tij të pazakonta për qëndrueshmëri e kishte Samsung Galaxy A50.
Në mënyrë standarde, ekrani i smartfonit mund të gërvishtet deri në nivel të gjashtë, me prerje më të thellë deri në nivelin e shtatë. Kamerat e pasme janë të vendosura prapa xhamit mbrojtës. Po ashtu, ekrani duroi rreth 30 sekonda nën flakën e një shkrepëse.