Realme sapo ka konfirmuar se do të lançojë seritë 10 në muajin nëntor, dhe sot një informatë e re pretendon se shitja e parë do të ndodhë në ditën e parë të muajit. Me sa duket, Realme 10 4G do të jetë i disponueshëm në “tregjet e zgjedhura” duke filluar nga 1 nëntori, në tre opsione të hapësirës, me 4 GB RAM memorie dhe 128 GB memorie të përgjithshme, 8/128 GB dhe 8/256 GB.
Çmimi i tij pritet të jetë rreth 190-210 euro. Realme 10 4G supozohet se do të ofrohet në rozë, gri dhe blu.
Telefoni vjen me një skaner të gjurmëve të gishtërinjve të vendosur në anë të ngulitur në butonin e ndezjes, një kamerë të vogël selfie me vrima të rreshtuara majtas, një ekran 6.4″ ose 6.5″ FHD+ AMOLED me ritëm rifreskimi 90 Hz dhe shpejtësi të marrjes së mostrave me prekje 180 Hz, dhe një Bateri 5000 mAh me mbështetje për karikim 33W, raporton GSM Arena.
Ky telefon fuqinë e merr nga Helio G99 SoC i MediaTek dhe ka një kamerë kryesore të pasme 50 MP me një kamerë makro 2 MP së bashku me të. Realme 10 4G ka një fole kufjesh 3.5 mm dhe në Indi do të ketë një çmim midis 207 euro dhe 231 euro, ndërsa nëse merrni parasysh ofertat e ndryshme të operatorëve telefonik, ato mund të shkojnë deri në 182 euro.
Data aktuale e lansimit në tregun indian, për momentin është e paqartë, por ajo me gjasë do të zbarkojë nga mesi i nëntorit.
Realme 10 4G shfaqet në imazhet e rrjedhura që mund t’i shihni më lart, dhe u shfaq në një grup tjetër të renderëve të zbuluar vetëm disa ditë më parë, dhe ajo rrjedhje erdhi me një grup specifikash shumë të ngjashme, është vetëm madhësia e ekranit në të cilën këta dy rrjedhës të informatave duket se nuk mund të bien dakord.
Realme 10 5G, nga ana tjetër, u certifikua nga 3C, një proces që konfirmoi faktin se ka një bateri 5,000 mAh ashtu si versioni 4G.
