Valla more axhi infektolog, Kosova është e prekur nga 'varianti i kënaqësisë', s'i bjen kujt në mend sëmundja e vdekja.
Epikuri na ka lënë amanet, mos u merr me vdekjen tënde ka thënë, se vdekja jote nuk të takon ty.
Mirë e ka pas.
Ne e kemi obligim jetësor të kënaqemi dhe të përmbushim premtimin e lumturisë në këtë botë.
Të tjerat janë të shkruara!
Është problem, kur na kap neve shqiptarëve 'dallga e zbavitjes', kur neve na kaplon dalldia dhe sevdaja, dalim jashtë realitetit, e krijojmë një botë tjetër, ku s'ka virus dhe vdekje.
Është ky mekanizëm mbrojtës,
është vaksinë shpirtërore kundër fatalizmit.
Se me t'thënë t'vërtetën, për shqiptarët më e rëndësishme është kënaqësia sesa jeta!
Se vetëm nëse kënaqesh - ndjehesh gjallë!
Qysh ndjehesh gjallë pa u kënaq, allaile!
Ajo ndjesia kur del n'teferiç,
deti para hundëve,
uji i njelmtë n'drita t'syve;
kënaqësia që e shkakton frika mos po mbytesh n'det e nuk mbytesh;
shetitjet buzë bregdetit, mbrëmjeve o Zot,
njoftimet e reja;
hareja dhe gëzimi i çastit;
shikimi nga ballkoni i perendimit të diellit...dhe, prit pak po e hamë edhe nga një akullore,
Jetë o jetë.
Ajo ndjenja e ikjes nga Kosova, sidomos ikja nga monotonia është akti vendimtar i kënaqësisë,
ai mohimi i virusit 'ec more se s'ka virus', 'vdekje ka pasur gjithmonë'!
'Po rrejnë' se nuk kanë qejf me na pá 'tuj u knaq'.
Është ndjenjë e bukur kur të duket vetja më i mençur se mjekësia, më i zgjuar se faktet, nuk e han ti me t'mashtru.
Nëse nuk i beson virusit, nuk t'bjen.
Ky është misteri i kënaqësisë!
P.S. Kosova është plotësisht jashtë kontrollit.
As vaksina as kujdes, as pastërti, as dezinfekrim!
Çudia e Zotit qysh po shpëtojmë pa u bërë lajm në botë!
Bota po ruhet, po vaksinohet, po mbyllet dhe s'po shpëton si ne!
