Nuk kanë si të flasin mirë për qeverinë Kurti, përderisa, kjo Qeveri po i arreston jaranët edhe bashkëpartiakët e atyre që e vodhën djersen e popullit.
Nuk është për t'i vajtuar ata që i vodhën bujqit, shtresën më punëtore të shoqërisë, me punën,djersën dhe prodhimet e tyre na mbajnë shpirtin gjallë ne të gjithëve.
Nuk mund të këtë mëkat më të madh se të vidhen bujqit, ata të cilët me djerësen, mundin dhe punën e tyre ditë e natë na sigurojnë bukën e gojës dhe na bëjnë të pavarur nga prodhimet e jashtme pa të cilat na vështirësohet jeta.
Ata të cilët mbajnë konferenca shtypi dhe e kritikojnë Qeverinë Kurti për 100 ditëshin e qeverisjes , sikur harrojnë se në Ministrinë e partive të tyre po procedohen penalisht individ për ryshfet , korrupsion, abuzim me detyrën për vjedhje të subvencioneve të bujqve dhe për një seri afera tjera të kundërligjshme.
Reformat e qeverisë Kurti, kundër hajnisë dhe abuzimeve me pushtetin janë të thella dhe të gjithanshme, veçse ka filluar të ndihet dobia e tyre për një të ardhme më të mirë për vendin.
Masat kundër atyre që kanë abuzuar me pushtetin për interesa të tyre e në dëm të qytetarëve ,do të jenë rigoroze dhe të pa mëshirshme , prandaj bartësit e fenomeneve të tilla me të "drejtë" nuk kanë si të ndihen rehat dhe mos të luten natë e ditë që sa më parë të bije Qeveria Aktuale Kurti.
Zaten, ky është shkaku kryesor dhe ndoshta i vetëm, që me aq ashpërsi po kritikohet qeveria aktuale Kurti, nga ata të cilët potencialisht mund të jenë subjekt të procedurave ligjore për shkak të abuzimeve me pushtetin dhe aferave tjera korruptive .
Gabim janë ata që shpresojnë se Qeveria Kurti, i ka ditët e numëruara, kështu këta vetëm sa shohin ëndrra, me sy qelë, sepse përderisa qeveria Kurti , e lufton korrupsionin, krimin ekonomik të organizuar, e kursen paranë publike dhe e përmirësoni jetën e qytetarëve , kësaj qeverie qytetarët vetëm sa do t'ia zgjasin jetën edhe më shumë , të bindur se ky është interes i vendit dhe interes i tyre.
