Kur i dëgjon t'ia shpalosin njëri tjetrit të kaluarën e tyre të zymtë , siç ishte rasti në emisionin në TV, kanalit 10 , në mes Hisen Berishës dhe Enver Dugollit, e kupton se sa janë të etur politikanët aktual të Kosovës për ta zënë karrigen e pushtetit.
Aty ku mundësia për ta zënë karrigen e pushtetit me votën e sovranit është e pa mundur, ca politikanë e shajnë dhe e fyejnë qeverinë aktuale, i ndërrojnë partitë politike si të ishin të brendshme të tyre, duke ëndërruar se kështu më shpejtë dhe më lehtë mund t'i afrohen karriges së pushtetit edhe pse kjo mënyrë e të bërit politikë shumë politikanë i ka lënë pa pushtet dhe pa autoritet jashtë politikës, duke u sorollatë herë të njëra herë të partia tjetër.
Politikanët, të cilët e kanë humbur pushtetin si dhe ata që aktualisht e qeverisin vendin, duhet të binden difinitivisht, se ardhja në pushtet nuk bëhet me gënjeshtra, shpifje dhe insinuata ndaj njëri tjetrit dhe as duke i ndërruar subjektet politike sepse është sovrani, janë qytetarët e Kosovës që vendosin me votën e tyre se cili politikanë mundet dhe duhet ta qeverisë vendin dhe cili duhet të mbetët jashtë qeverisjes së vendit.
Koha e menjëherë pas luftës ,në të cilën partitë politike , politikanët e niveleve të ndryshme i fitonin zgjedhjet me gënjeshtra, blerje votash, me votat edhe të qytetarëve të vdekur ka perënduar përfundimisht.
Tani vetëdija e qytetarëve të Kosovës dhe mundësitë ligjore dhe kushtetuese -demokratike në Kosovë kanë arritur parametrat e duhur kombëtarë dhe politikë për ta ditur pa gabuar se kujt duhet besuar qeverisjen e vendit, përparimin e shtetit dhe mirëqenien e qytetarëve.
