Themeli demokracisë është vota e lirë. Pjesmarrja në votim është përgjegjsi dhe detyrim demokratik,ligjor, patriotik e kombëtar.
Vota e lirë dhe e pakorruptuar është dinjiteti dhe personaliteti , është mëncurimi dhe pavarësia e individit si dhe liria për të zgjedhur atë që individi i beson dhe që vlerëson si më të mirën.
Sa më e madhe të jetë pjesmarrja në votim aq më mire e me sakt zgjedh dhe vendos populli se kujt i duhet besuar përfaqësimi dhe qeverisja.
Sa më i madh të jetë numri i qytetarëve që votojnë aq më i vogël është gabimi i mundshëm dhe aq më i pamundur bëhet korrupsioni elektoral; dhe kur pjesmarrja është masive nuk ka shanse që të manipulohen zgjedhjet dhe është e pamundur që të vendosë fituesin blerja e votes, fenomen ky që mjerisht është bërë shqetësim për votimet dhe për demokracinë në Shqipëri.
Vota e lirë është verdikti popullor, prandaj duhet që të marrin pjesë në votim të gjithë qytetarët me të drejtë vote.
Shkoni dhe votoni sepse kështu nuk do lejoni që fituesin, kryetarin e këshilltarin që të mos e percaktojnë ata që e shesin votën.
