Ali Berisha: Taksa ndaj produkteve serbe, aset nacional për Kurtin - Bota Sot
Ali Berisha: Taksa ndaj produkteve serbe, aset nacional për Kurtin

Peja

Ali Berisha: Taksa ndaj produkteve serbe, aset nacional për Kurtin

Më: 25 shkurt 2020 Në ora: 20:31
Pamje nga vizita

Ish-kryeministri i Kosovës, Ramush Haradinaj, gjatë ditës së sotme ka qëndruar në Pejë.

I shoqëruar nga kreu i degës së AAK-së në këtë komunë, deputeti Ali Berisha, kanë vizituar kompaninë prodhuese “Sedefi”, me çrast janë informuar mbi përfitimet e kësaj kompanie nga taksa 100% ndaj produkteve serbe.

Nga kjo vizitë Ali Berisha ka saktësuar arsyen se përse taksa 100% nuk duhet të hiqet, duke thënë se si e tillë, ajo tashmë është aset nacional, të cilin e ka në duar edhe kryeministri Kurti në raport me Serbinë.

Postimi i plotë:

Së bashku me Kryetarin e AAK-së z.Ramush Haradinaj, gjatë pasditës në Pejë, kishim kënaqësinë të vizitojmë kompaninë prodhuese ‘SEDEFI’!

“SEDEFI’ – Kompani prodhuese me traditë ndër dekada, mbetet një tregim suksesi e cila drejtpërdrejt ka përfituar nga Taksa 100%, duke rritur prodhimin, linjat, tregun e veçanërisht numrin e të punësuarve.

Taksa 100% ndaj Serbisë mbetet monedhë shtetërore, të cilën edhe z.Kurti duhet ta përdorë si aset nacional në këmbim të njohjes.

Aleanca me z. Haradinaj janë miqtë më të mëdhenjë të SHBA-ve dhe qëndrime sikur ky ndaj taksës vetëm sa e forcojnë miqësinë me aleatin tonë!

Taksa 100% i drejtohet atij që dje bleu Pancir S1 nga Rusia.
Nuk do të lejojmë që zëdhënësi i Millosheviçit, të paktën, të armatoset me paratë e popullit të Kosovës.

Shfaq komentet
comments powered by Disqus
Sot mund të lexoni Shfletoni kopertinat