Kryetari i komunës së Pejës, Gazmend Muhaxheri ka thënë se deri në vitin 2054, do të jetë kryetar i këtij qyteti.
Ai tha se e ka vendosur këtë objektiv që ai të jetë kryetar deri në këtë datë.
I pyetur nga gazetari, se a nënkupton që partitë tjera të mos kandidojnë për këtë pozitë, ai u përgjigj shkurtimisht se “po”.
“Unë mendoj se deri në 2054 do të jem kryetar i komunës së Pejës. Ashtu e kemi vendosur objektivin. Tash e shohim nëse qytetarët janë të kënaqur edhe votojnë. Varet shumë edhe nga partia por besoj që ne këtu me qytetarët e Pejës e kemi një marrëveshje tjetër”, ka thënë Muhaxheri.
Në ndërkohë kur i njëjti u pyet për uljen në pozitë të Agim Veliut në Degën e LDK-së në Podujevë, ai e mbylli telefonin.
