8 të vdekur në Pejë, gjendje e rëndë si pasojë e Covid-19

Peja

8 të vdekur në Pejë, gjendje e rëndë si pasojë e Covid-19

Më: 2 shtator 2021 Në ora: 18:59
Spitali i Pejes

Tetë qytetarë të Komunës së Pejës kanë humbur jetën nga Covid-19 në 24 orët e fundit. Sipas drejtorit të shëndetësisë në këtë komunë, Muhamet Halitaj, gjendja është e rëndë.

“Gjendja në Komunën e Pejës vazhdon të jetë e rëndë, për shkak të numrit të madh të pacientëve që janë të hospitalizuar dhe kërkojnë ndihmë mjekësore. Aktualisht në spitalin e Pejës janë 210 pacientë të shtrirë, prej tyre 170 janë në oksigjenoterapi ndërsa tetë janë në CPAP terapi”, thotë Halitaj.

Thotë se aktualisht s’kanë problem me mungesë të barnave esenciale.

“Shumica e terapisë për pacientët ka qenë e siguruar”, tha ai.

Ndërkohë, Halitaj pranon se për shkak të numrit të madh të interesuarve për vaksinim, nuk po respektohen masat e mbrojtjes nga Covid-19 në qendrën e vaksinimit në këtë komunë.

“Ditët e fundit numri i personave që janë për vaksinim është i madh dhe radhët janë të gjata. Masat nuk respektohen në këto radhë. Deri në 1200 pacientë në ditë vaksinohen dhe distanca nuk respektohet shumë’, shtoi ai.

Shfaq komentet
comments powered by Disqus
Më të lexuarat
Sot mund të lexoni Shfletoni kopertinat