Naim Miftari publikon emrat që shpëtuan Kosovën nga ndarja e sigurt

Tashmë janë bërë një vit që nga burgosja e ish-presidentit të Kosovës, Hashim Thaçit nga Gjykata Speciale në Hagë.

Në kohën kur Kosova rrezikohej nga ndarja e saj, e që i pajtimit për këtë çështje ishte edhe Hashim Thaçi, ndodhi ky arrestim, që thuhet se shpëtoi Kosovën nga copëtimi.

Thaçi së bashku me kryeministrin shqiptar Edi Ramën dhe presidentin serb Aleksandër Vuçiq, ishin të pajtimit dhe së fundmi ishin publikuar edhe disa dokumente të ndarjes së Kosovës.

Për ndarjen e Kosovës, ka folur ish-eprori i lartë i UÇK-së dhe ish-agjenti i SHIK-ut, Naim Miftari.

Ai ka përmendur disa emra dhe ngjarje që kanë ndodhur, që sipas tij, ngjarje këto të cilat e shpëtuan Kosovën nga ndarja.

“Humbja në zgjedhje dhe largimi i pro serbit Grenellit, ndërrimi-largimi i dhëndrit serb Pallmerit, largimi i Johoni Bollton-it nga Shtëpia e Bardhë, rrëzimi i Qeverisë kukullë të Abdullah Hotit, largimi i Vlora Çitakut nga ambasada e Kosovës në Uashington dhe fitorja e LVV-së, pra e Albin Kurtit dhe Vjosa Osmanit, por mbi të gjitha është arrestimi i Hashim Thaçit për krime lufte që ka shpëtuar Kosovën nga ndarja e sigurt”, thotë Naim Miftari.