Nisma “Ballkani i Hapur” ose “Open Balkan” u formua nga Shqipëria, Serbia dhe Maqedonia e Veriut.
Përmes kësaj nisme këto tri shtete thanë se synojnë treg të përbashkët dhe lehtësira të tjera për vendet e Ballkanit Perëndimor.
Por projekti nuk mori përkrahje nga shtetet e tjera, pavarësisht thirrjeve të tre liderëve të këtyre tri shteteve.
Kosova e kundërshtoi që nga fillimi atë dhe pjesëmarrjen në këtë nismë.
Ndërsa tani që po bëhet luftë në Ukrainë nga Rusia, ka pasur thirrje të shumta që Shqipëria të tërhiqet nga “Ballkani i Hapur”.
Nisma “Ballkani i Hapur” ose “Open Balkan” u formua nga Shqipëria, Serbia dhe Maqedonia e Veriut.
Përmes kësaj nisme këto tri shtete thanë se synojnë treg të përbashkët dhe lehtësira të tjera për vendet e Ballkanit Perëndimor.
Por projekti nuk mori përkrahje nga shtetet e tjera, pavarësisht thirrjeve të tre liderëve të këtyre tri shteteve.
Kosova e kundërshtoi që nga fillimi atë dhe pjesëmarrjen në këtë nismë.
Ndërsa tani që po bëhet luftë në Ukrainë nga Rusia, ka pasur thirrje të shumta që Shqipëria të tërhiqet nga “Ballkani i Hapur”.
Tërheqjen e Shqipërisë nga kjo nismë po e kërkojnë edhe deputetët e Partisë Demokratike të Kuvendit të Shqipërisë, të cilën duan që kjo të bëhet përmes një rezolute, pasi bie në kundërshtim me interesin kombëtar të Republikës së Shqipërisë dhe angazhimin për hapjen e negociatave me Bashkimin Evropian.
‘Duke marrë parasysh nënshkrimin e nismën për ‘Ballkanin e Hapur’ dhe angazhimin e Qeverisë së Republikës së Shqipërisë në këtë nismë në krah të Republikës së Serbisë e cila ende nuk njeh Pavarësinë e Republikës së Kosovës, dhe e konsideron Kosovën ende si pjesë përbërëse të saj në Preambulën e Kushtetues së Serbisë”, thuhet në rezolutën e propozuar nga PD në Shqipëri.
Gashi: Shqipëria të largohet nga Serbia, dëmton edhe Kosovën
Lidhur me këtë, avokati Tomë Gashi, ka thënë për gazetën “Bota sot” se Shqipëria sa më shpejt duhet t’i jap fund telenovelës me Serbinë dhe të largohet nga “Ballkani i Hapur”.
“Shqipëria duhet sa më shpejt, aq më mirë t’i jap fund telenovelës me Serbinë dhe të dalë sa më shpejt nga iniciativa për Minishengenin që e krijon maxi Serbinë, pra të dalë nga Open Ballkan”, ka thënë ai.
Sipas Gashit, Rama ka qenë pak i mashtruar nga Serbia por që tani kur Serbia e mbron Rusinë në luftën ndaj Ukrainës, nëse Shqipëria nuk largohet nga Serbia, kjo e dëmton atë dhe Kosovën.
“Tani Edi Rama nuk është që nuk di, por ka qenë paksa i mashtruar me Serbinë, por nëse tani pasi që vetëm Serbia dhe 4 shtete minore si Serbia e përkrahin Rusinë, nëse tani nuk i largohet Serbisë, del që jo vetëm që e dëmton Kosovën dhe Shqipërinë por do të dëmtohen edhe shtetet tjera”, ka vlerësuar ai.
Avokati shton se “Serbinë si Rusinë duhet izoluar dhe jo afruar, janë kancer i njerëzit, si Rusia, njëjtë edhe Serbia”.
Shahu: “Ballkani i Hapur” nuk do të duhej pranuar qysh në fillim
Ndërsa, njohësi i çështjeve politike, Rexhep Shahu, duke folur për këtë temë, ka thënë se nisma nuk duhej pranuar qysh në fillim, derisa shpreson që kjo kërkesë të merret parasysh.
“Shqipëria është dashur të mos e pranonte që në krye idenë e Ballkanit të Hapur por e bëri Edi Rama për protagonizëm rajonal, për tu dukur. Rezoluta që i kërkohet nga PD, dëshiroj, por pak besoj se do ta vë në lëvizje Edi Ramën i cili nuk po kuptohet pse ka aq shumë merak Serbinë dhe paraqitjen e saj si qengj i butë. Le të shpresojmë se kjo kërkesë e PD si kërkesa e parë institucionale ndoshta përfillet”, ka potencuar analisti.
Sipas Shahut, Serbia i mbyt ekonomitë më të vogla dhe se kjo praktikë në mes të Shqipërisë dhe Serbisë është provuar dhe më parë.
“Ballkani i Hapur është mundësia serbe që të zotërojë tregun e Ballkanit, që të diktojë çmimet në këtë rajon, që të mundë të vegjlit dhe të sundojë malli e tregu serb. Kjo nuk është praktikë e re dhe e panjohur. Në vitet 1945 - 1948 Serbia e Shqipëria e kanë provuar Ballkanin e Hapur, Serbia ka shkretuar tregun shqiptar, ndërsa njerëzit këndonin të lumtur e barkthatë: Enver - Tito / Stalin - Dimitrov dhe uria pllakoste kudo. Sot të ndodhë Ballkani i Hapur, Serbia dominon pasi është shtet më i madh, ka suport nga Rusia e Kina, ka mbështetje më të madhe nga BE dhe i mbyt ekonomitë më të vogla”, ka theksuar Rexhep Shahu për gazetën “Bota sot”.
Krasniqi: Shqipëria t’i jap fund nismës Ballkani i Hapur
Në anën tjetër, analisti Islam Krasniqi, ka thënë se lufta e Rusisë në Ukrainë e tregoi fytyrën e Serbisë dhe Shqipëria duhet t’i jap fund nismës së Ballkanit të Hapur përmes një rezolute.
“Është koha që të rishikohet nisma për Ballkani i Hapur edhe nga Shqipëria, ku lufta në mes të Rusisë dhe Ukrainës e tregoi fytyrën e vërtetë të Serbisë, e cila nuk u distancua nga dhuna e Rusisë. Është mirë të iniciohet rezolutë më të cilën Shqipëria t’i jap fund nismës Ballkani i Hapur sepse po shihet qëllimi i Serbisë, e cila nuk është e interesuar për paqe por vetëm për interesa të veta. Gjithsesi që duhet të largohet Shqipëria nga kjo nismë mirëpo duhet të konsultohet edhe më miqtë tanë ndërkombëtarë, saktësisht më SHBA-të së si mund të dalë nga kjo nismë pa pasoja, pa u keqësuar raportet pasi që synimi i të gjithëve është Evropa dhe duhet të ruhen raportet e fqinjësisë së mirë”, ka deklaruar Islam Krasniqi për gazetën “Bota sot”.