Numri i nxënësve të regjistruar në klasën e parë në Prizren ka shënuar rënie drastike. Këtë vit shkollor numri i atyre që kanë regjistruar klasën e parë është për 300 më i vogël sesa vitin e kaluar shkollor.
Këtë e kanë konfirmuar Zyrtarët e Drejtorisë Komunale të Arsimit në Prizren.
Sipas tyre, ndonëse ka ulje të numrit të nxënësve, gjendja nuk mund të përshkruhet si alarmante në këtë drejtim.
Por deputeti i Lëvizjes Vetëvendosje, Arbër Rexhaj, kishte pretenduar se janë regjistruar 2000 nxënës më pak, gjë të cilën e ka mohuar drejtori i Arsimit në Prizren, për koha.net, Skënder Susuri.
Arbër Rexhaj, ka bërë të ditur se është tmerruar kur ka kuptuar se mbi 2 mijë nxënës më pak janë evidentuar gjatë kontrollit sistematik që e organizon Drejtoria e Shëndetësisë në Prizren.
Mirëpo Drejtori i Arsimit në Komunën e Prizrenit, Skender Susuri, ka theksuar se kjo shifër nuk qëndron.
