Të premten në xhamitë e Kosovës jepet mesazh kundër përdorimit të drogave - Bota Sot
Të premten në xhamitë e Kosovës jepet mesazh kundër përdorimit të drogave

Religjion

Të premten në xhamitë e Kosovës jepet mesazh kundër përdorimit të drogave

Më: 25 korrik 2019 Në ora: 16:06
Foto

Nesër në të gjitha xhamitë e Kosovës, në hytbenë e xhumasë, do të jepet mesazh i njësuar kundër përdorimit të narkotikëve dhe në mbështetje të veprimtarisë së Task-Forcës së Qeverisë të themeluar për këtë qëllim.

Kryetari i Bashkësisë Islame të Kosovës, myftiu Naim Tërnava gjatë javës së shkuar ishte takuar me shefin e Task-Forcës kundër përdorimit të narkotikëve dhe për sigurinë në shkolla, Avdullah Hasanin.

Si rezultat i këtij takimi, Bashkësia Islame e Kosovës, thekson se kreu i saj, Naim Tërnava ka marrë vendimin që hytbeja e kësaj të premteje (e ditës së nesërme) të jetë e njësuar në mbështetje të veprimtarisë së Task-Forcës kundër përdorimit të narkotikëve.

“Myftiu Tërnava ka vlerësuar si shumë të qëlluara dhe ka përgëzuar qeverinë për vendimet e saj për të themeluar Task-Forcë dhe për fillimin e fushatës kundër përdorimit të narkotikëve në shkolla dhe përgjithësisht nga të rinjtë dhe ka shprehur gatishmërinë që Bashkësia Islame t’i ofrojë Task-Forcës në gjithë veprimtarinë e saj asistencën e kërkuar fetare”, njofton BIK.

Shfaq komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...