Disfunksioni erektil, gjithashtu i njohur edhe si impotenca, është pamundësia për të pasur dhe mbajtur ereksionin përgjatë marrëdhënies seksuale.
Hulumtuesit nga sigurimi shëndetësor dhe kompania e kujdesit mjekësor “Kaiser” studiuan gjenet e 37.000 amerikanëve, të cilët në mënyrë vullnetare iu dhanë akses në të dhënat e tyre mjekësore.
Pjesëmarrësit plotësuan anketat e shëndetit seksual dhe ekipi shqyrtoi nëse ata kishin simptoma të disfunksionit erektil.
Shkencëtarët zbuluan se burrat me një variacion në kromozomin e tyre të gjashtë, të gjetur pranë gjenit SIM1, kishin 26% më shumë të ngjarë të vuajnë nga disfunksioni erektil. Gjeni SIM1 ndihmon në rregullimin e peshës trupore dhe ereksioneve.
“Identifikimi i këtij gjeni SIM1 si një faktor rreziku për impotencë është një punë e madhe, sepse ajo siguron dëshminë e gjatë të kërkuar që ekziston një komponent gjenetik të sëmundjes”, deklaroi autori i studimit, Eric Jorgenson, PhD.
“Identifikimi i faktorit të parë gjenetik të rrezikut për mosfunksionim erektil është një zbulim emocionues sepse hap derën për hetime në terapitë e reja gjenetike.”
Rreth 50% e meshkujve konsiderojnë se medikamentet aktuale kundër kësaj gjendjeje shëndetësore nuk janë të efektshme, prandaj këto gjetje mund të jenë një lajm i madh për ta.