Vaksina anti-Covid gjeti marrësit e saj të parë në Mbretërinë e Bashkuar dje, ndërsa qeveria vazhdoi me planet për të vaksinuar personat me rrezik të shtuar infektimi.
Shumë nga këta njerëz kanë probleme shëndetësore para-ekzistuese dhe mund të ndjehen të frikësuar për marrjen e vaksinës kur janë tashmë në mjekim.
A mund të merrni vaksinën anti-Covid nëse merrni hollues të gjakut?
Disa njerëz me probleme shëndetësore para-ekzistuese do të duhet të marrin hollues të gjakut. Këto përfshijnë marka që ndihmojnë në trajtimin e disa llojeve të sëmundjeve të zemrës ose parandalojnë disa defekte. Holluesit e gjakut gjithashtu parandalojnë mpiksjen, e cila mund të çojë në gjakderdhje të zgjatur, ku njerëzit presin lëkurën e tyre
Në rastet kur njerëzit mbajnë plagë të konsiderueshme, kjo mund të jetë e rrezikshme, por ekspertët kanë konfirmuar se një shpim me gjilpërë paraqet pak rrezik. Fondacioni Britanik i Zemrës, tha se vaksina paraqet më pak rrezik gjakderdhjeje sesa llojet e tjera të vaksinimit.
Ata thanë: “Ashtu si shumica e vaksinave, vaksina e coronavirusit injektohet në muskulin e krahut tuaj të sipërm. Si me çdo injeksion, ekziston rreziku i gjakderdhjes. Injeksionet në muskulin tuaj mund të rrjedhin gjak pak më shumë sesa injeksionet që bëhen nën lëkurë, por më pak se ato që bëhen në venë”.
Si përfundim, “Nëse jeni duke marrë një hollues të gjakut, gjakderdhja mund të zgjasë pak më shumë dhe mund të merrni më shumë mavijosje në krahun e sipërm. PHE kanë thënë që ju mund të bëni vaksinën nëse trajtimi juaj antikoagulues është i qëndrueshëm”.
