Pandemia nuk ka mbaruar akoma dhe me kohën, vjen dhe gripi sezonal, duke i vënë njerëzit në një rrezik më të madh. Në këtë kohë, të gjithë pyesin se si mund të forcojnë sistemin imunitar dhe të qëndrojnë të shëndetshëm.
Ekspertët thonë se ka shumë gjëra që mund të bëni duke nisur nga ushtrimi, ruajtja e peshës së shëndetshme, shmangia e duhanit apo konsumi i moderuar i alkoolit.
Por ka një gjë që është ndoshta më e rëndësishmja. Gjëja nr.1 që mund të bëni është të miratoni një dietë të shëndetshme që është e ulët në ushqime të përpunuara dhe sheqerna por e pasur me fruta, perime, proteina, fibra dhe yndyrna të shëndetshme. Kjo do t’ju sigurojë mikronutrientët që mbështesin sistemin imunitar, duke përfshirë Vitaminën D dhe C.
Sigurisht, vitaminat D dhe C nuk janë mikronutrientët e vetëm që janë të rëndësishëm për imunitetin. Sistemi imunitar është një sistem i proceseve komplekse, të cilat mbështeten nga lëndë ushqyese të ndryshme. Miratimi i një diete të larmishme të pasur me ushqime bimore, proteina të shëndetshme dhe yndyrna të mira mund të ndihmojë për të siguruar që të merrni të gjitha këto lëndë ushqyese.
