Një studim i kryer në Madrid vlerësoi se si konsumimi masiv i këtyre pijeve mund të ndryshojë sistemin endokrin dhe të shkaktojë vdekje të papritura kardiake, në të gjitha moshat edhe nëse jeni të shëndetshëm, pikërisht për shkak të kafeinës. Mos harroni se, edhe pse është e ligjshme, natyrale dhe e përdorur gjerësisht, kafeina mbetet ende një drogë dhe e konsumuar në sasi të tepërta, shkakton varësi dhe mund të çojë në mbidozë
Pijet energjike po konsumohen gjithmonë e më shumë me jetën aktive e në lëvizje. Disa njerëz besojnë se mund t’i ndihmojnë aktivitetin e tyre për t`iu dhënë energji ekstra, të tjerë thjesht i konsiderojnë të shijshme. Ashtu si me çdo ushqim apo pije që futim në trupin tonë, edhe pijet energjike ndikojnë, sidomos nëse e teprojmë. Për shembull, uji është më i miri për trupin, por nëse pijmë 26 litra njëherësh rrezikojmë jetën prej potomanisë.
Janë kryesisht pije me sheqer që përmbajnë substanca energjike. Sipas AltroConsumo, këto substanca janë: Kafeinë, e cila gjendet në pije të tjera të ndryshme si çaji apo kafeja. Ka një efekt tonik në zemrën dhe sistemin nervor, kështu që ndihmon për të ruajtur vigjilencën dhe për të qëndruar zgjuar, por gjithashtu mund të shkaktojë pagjumësi, shqetësim dhe frymëmarrje të përshpejtuar. Taurina, e cila gjendet gjithashtu në ushqimet e detit dhe mish. Shërben për të rritur efektet e kafeinës, pasi ndërhyn në kontraktimet e zemrës. Guarana, e cila është një bimë që rrit përthithjen e kafeinës. Glukuronolactone, i cili megjithatë është një karbohidrat tashmë i pranishëm në trupin tonë dhe për këtë arsye nuk duhet të na alarmojë pavarësisht emrit të tij të gjatë dhe të përbërë. Marrja e tepërt e kafeinës shkakton simptoma si dhimbje koke, pagjumësi dhe hiperagjitacion. Për më tepër, një përzierje me alkoolin mund të shkaktojnë depresion, ndryshime në ritmin e zemrës dhe funksionin e veshkave.
A JANË PIJET ENERGJIKE TË DËMSHME?
Një studim i kryer në Madrid vlerësoi se si konsumimi masiv i këtyre pijeve mund të ndryshojë sistemin endokrin dhe të shkaktojë vdekje të papritura kardiake, në të gjitha moshat edhe nëse jeni të shëndetshëm, pikërisht për shkak të kafeinës. Mos harroni se, edhe pse është e ligjshme, natyrale dhe e përdorur gjerësisht, kafeina mbetet ende një drogë dhe e konsumuar në sasi të tepërta, shkakton varësi dhe mund të çojë në mbidozë. Përveç kësaj, mund të shfaqen sëmundje latente ose të pazakonta të zemrës dhe çrregullime kardiovaskulare. Këto pije energjike i shpëtojnë kontrolleve farmaceutike sepse nuk konsiderohen si barna, pavarësisht se shpesh përmbajnë substanca me potencial toksik të krahasueshëm me ato të disa ilaçeve.
