Kompania që prodhoi vaksinat kundër koronavirusit, Pfizer, ka parashikuar se sa do të zgjasë pandemia.
Sipas tyre, pandemia e koronavirusit do të zgjasë deri në vitin 2024.
Pfizer theksoi se më pas Covid mund të bëhet sëmundje endemike, që do të thotë se në vend të një emergjence globale, do të bëhet një prani e vazhdueshme që shkakton shpërthime rajonale të infeksionit të ngjashëm me gripin në mbarë botën.
Kompania deklaroi gjithashtu se pret të ketë një fitim prej 31 miliardë dollarësh vitin e ardhshëm për shkak të prodhimit të vaksinave.
Vaksinat e përshtatura për variante të veçanta, nëse nevojiten, mund të rrisin më tej shitjet në vitin 2022.
