Pijet plot kalori dhe sheqer mund të kontribuojnë në krijimin e yndyrës në bark. Prandaj, është e rëndësishme se çfarë pini saktësisht dhe ekspertët kanë vënë në dukje pesë pije që mund të përshpejtojnë shkrirjen e yndyrës në stomak.
Pije pa kalori
Pijet me sheqer janë plot me kalori dhe mund të rrisin sheqerin në gjak si dhe sasinë e yndyrës në stomak. Pijet pa kalori mund t’ju ndihmojnë të digjni më pak kalori në ditë dhe do të humbni yndyrën e barkut.
Pija më e mirë e tillë është padyshim uji, dhe studimet sugjerojnë se duke rritur sasinë e ujit që pini gjatë ditës, ju mund të shpejtoni metabolizmin tuaj në mënyrë që trupi juaj të djegë dhjamin në mënyrë më efikase.
Çaji jeshil
Çaji jeshil përmban kafeinë dhe katekina, komponime bioaktive bimore. “Këta dy komponentë kryesorë mund të rrisin oksidimin e yndyrës, ose të përshpejtojnë djegien e saj. Megjithatë, pirja e çajit jeshil nuk do të shkrijë në mënyrë magjike të gjithë yndyrën nga stomaku, por mund të ndihmojë”, thotë dietologia Rachel Dyckman.
Çaj i zi
Nëse nuk ju pëlqen shija e hidhur e çajit jeshil, ka çaj të zi. Është i pasur me falvonoide dhe është i shëndetshëm për zemrën dhe mund të ndihmojë në uljen e presionit të gjakut. Të njëjtat flavonoidë luajnë gjithashtu një rol të madh në reduktimin e yndyrës së barkut.
Kafja
Pirja e pijeve me kafeinë, si kafeja, është treguar të jetë një mënyrë efektive për të shtypur oreksin tek disa njerëz. Kjo mund të zvogëlojë marrjen e përditshme të kalorive dhe të zvogëlojë yndyrën e barkut. Një pjesë e hulumtimit ka treguar se kafeina stimulon termogjenezën, një proces që inkurajon trupin tonë të prodhojë më shumë nxehtësi dhe të djegë më shumë kalori.
