Hulumtimi i kryer nga shkencëtarët e Universitetit të Kolumbisë zbuloi një lidhje midis muajit të lindjes dhe shëndetit të njeriut. Ekspertët pohojnë se muaji i lindjes ka ndikim në zhvillimin e disa sëmundjeve.
Nicolas Tatonetti, profesor pranë Qendrës Mjekësore të Universitetit të Kolumbisë, dhe ekipi i tij i ekspertëve kryen kërkime mbi ndikimin e muajit të lindjes në zhvillimin e disa sëmundjeve.
Ata studiuan të dhënat mjekësore të më shumë se një milion pacientëve të trajtuar në Spitalin Presbyterian të Nju Jorkut midis 1985 dhe 2013. Rezultatet e këtij hulumtimi përkojnë me ato të hulumtimeve të kryera më parë në Suedi, Danimarkë dhe Austri.
Këto të dhëna do t’i ndihmojnë shkencëtarët të zbulojnë faktorë të rinj që ndikojnë në zhvillimin e sëmundjes. Është e rëndësishme që njerëzit të mos jenë shumë të mërzitur për këto rezultate tani.
Ekspertët pohojnë se shanset për të zhvilluar astmë janë dukshëm më të larta te personat e lindur mes korrikut dhe tetorit dhe rreziku i zhvillimit të çrregullimeve të hiperaktivitetit dhe deficitit të vëmendjes te personat e lindur në nëntor.
Personat e lindur në muajin mars kanë më shumë gjasa të kenë aritmi, dështim kongjestiv të zemrës dhe sëmundje valvulare të zemrës. Lajmi i mirë për të lindurit në muajin maj – shanset për t’u prekur nga sëmundje kronike janë jashtëzakonisht të ulëta, ndryshe nga ata që kanë lindur në tetor.
Këto të dhëna do t’i ndihmojnë shkencëtarët të zbulojnë faktorë të rinj që ndikojnë në zhvillimin e sëmundjes. Është e rëndësishme që njerëzit të mos jenë shumë të mërzitur për këto rezultate tani.
‘’Edhe pse kemi gjetur një lidhje të rëndësishme mes sëmundjes dhe muajit të lindjes, në përgjithësi rreziku i sëmundjes është vërtet i vogël. Sidomos rreziku që lidhet me muajin e lindjes krahasuar me faktorë shumë më ndikues si dieta dhe aktiviteti fizik’’, përfundoi Tatoneti.
