Një numër i konsiderueshëm i adoleshentëve që e provojnë cigaren elektronike nuk kanë pirë kurrë duhan, thotë një studim i ri.
Studiuesit nga Instituti i Kërkimeve Pa Duhan në Irlandë thanë se përqindja e 16 dhe 17-vjeçarëve që kishin provuar cigare elektronike ishte rritur nga 23% në 2014 në 39% në 2019.
39% e adoleshentëve që thanë se kishin provuar cigare elektronike krahasohen me 32% që kishin provuar duhanin, shkruan Independent.
Dhe 68% e atyre që kishin provuar cigare elektronike thanë se nuk kishin provuar kurrë duhanin.
Arsyet kryesore që adoleshentët dhanë për të provuar cigaret elektronike ishin kurioziteti (66%) dhe për shkak se miqtë e tyre po e provojn (29%), sipas shifrave nga mijëra adoleshentë.
Vetëm 3% thanë se ishin për të lënë duhanin.
Ndërkohë, studiuesit thanë se të rinjtë, prindërit e të cilëve janë duhanpirës, kanë 55% më shumë gjasa të provojnë cigare elektronike.
Hulumtimi i ri, i prezantuar në Kongresin Ndërkombëtar të Shoqërisë Evropiane të Frymëmarrjes në Barcelonë, Spanjë, zbuloi gjithashtu se këta të rinj kishin 51% më shumë gjasa të kishin provuar duhanin.
