Regjimi ushqimor duhet të na sigurojë të gjitha vlerat, lëndët, mineralet e vitaminat për të cilat organizmi i njeriut ka nevojë, por femrat kanë nevojë veçanërisht për ushqimet e mëposhtme:
Qepët janë tepër të shëndetshme, pasi falë vetive anti-inflamatore, antibakteriale dhe pranisë së vitaminave B dhe C, kanë shumë për t’i ofruar organizmit të njeriut. Por ato janë veçanërisht të mira për femrat, sepse ndihmojnë në parandalimin e humbjes së dendësisë së kockave, gjë që çon në osteoporozë.
Lakra e Brukselit
Një enzimë shumë e fuqishme e gjendur tek lakrat e Brukselit (alil izotiocianate) bën që qelizat e anormale me tendencë kancerogjene të vetëshkatërrohen. Vetëm duhet të dini që zierja e këtyre lakrave do të reduktojë ndjeshëm sasinë e përbërësve të shëndetshëm.
Arrat
“Paketuar” me proteina, fibra dhe omega-3, arrat mund t'ju ndihmojnë të ulni kolesterolin, të rrisni shumimin e qelizave të trurit tuaj etj. Disa studime kanë treguar madje se arrat ulin rrezikun e kancerit të gjirit tek minjtë.
Rrush i thatë
Përveç fibrave, hekurit dhe vitaminës C, rrushi i thatë përmban karbohidrate që rrisin në mënyrë natyrale energjinë dhe phytochemicals aq shumë të rëndësishme për shëndetin e gruas.
Farat e kungullit
Të ngjashme me çokollatën, farat e kungullit janë një burim i madh i triptofanit, një aminoacid që është një nxitës natyror i humorit.
Qershitë
Ky frut është i pasur me antioksidantë dhe ndihmon në luftën kundër humbjes së kujtesës, sëmundjeve të zemrës, kolesterolit të lartë dhe diabetit. Plus, pirja e lëngut të qershisë është provuar se ju ndihmon të flini më mirë.
Boronicat
Ashtu si një krem i mirë anti-rrudhë, boronicat kanë veti anti-plakje dhe gjithashtu ndihmojnë në parandalimin e humbjes së kujtesës, përmirësimin e aftësive motorike dhe presionin e ulët të gjakut.
Çaji jeshil
Nuk është ushqim, por ndoshta duhet të pini më shumë nga ky çaj mrekullibërës, që ka një ton antioksidantë, përbërës që përmirësojnë funksionimin e trurit, nxisin metabolizmin dhe rrisin djegien e yndyrës.
