A i kushtoni vëmendje ngjyrave të syve në mjedisin tuaj? A e dini se vetëm dy për qind e popullsisë së botës ka sy të gjelbër?
Rreth 16 për qind e tyre janë me origjinë gjermanike dhe kelte, më saktë 86 për qind e banorëve të Irlandës dhe Skocisë kanë sy të gjelbër. Përveç origjinës, personat me këtë ngjyrë të syve dallohen edhe nga karakteristika të tjera.
Hulumtimi, në të cilin morën pjesë 58 gra shtatzëna, tregoi se zonjat me sy të shndritshëm ishin më tolerante ndaj dhimbjes në krahasim me të tjerat dhe se gratë me sy blu dhe sy të gjelbër kishin më pak shqetësime gjatë lindjes.
Gjithashtu, ato vuajnë më pak nga depresioni pas lindjes, në krahasim me nënat me sy të zinj.
Ndonëse vetëm disa mund të mburren me sy të gjelbër, ka edhe më pak me sy gri, vetëm një për qind e popullsisë së botës. Por nuancat e grisë mund të ndryshojnë nga jeshile në blu të tymosur në kafe lajthi, e cila shpesh varet nga mjedisi, veçanërisht nga sasia e dritës.
Njerëzit me këtë ngjyrë sysh gjenden më shpesh në Evropën Veriore dhe Lindore. Nga ana tjetër, ngjyra më e zakonshme e syve në botë është ende kafe.
