Analisti i mirënjohur i Apple Ming Chi-Kuo ditën e sotme parashikoi se Apple do të prezantojë lente kontakti me realitetin e shtuar në 2030-ën.
Kuo tha se këto lente vështirë të kenë fuqi kompjuterike apo memorie të pavarur duke sugjeruar se ato mund të mbështeten tek një lidhje me iPhone apo një pajisje tjetër.
Sipas tij ky produkt nuk është materializuar asgjëkund dhe parashikimi më tepër është bast sesa produkt i garantuar.
Lentet e kontaktit të Apple do të ofronin teknologjinë e realitetit të shtuar pa pasur nevojë që përdoruesit të mbajnë syze apo një pajisje tjetër. E thënë thjeshtë realiteti i shtuar vendos informacion dixhital mbi pamjen e botës reale.
Një shembull sesi mund të funksionojë është një person i cili po kërkon një dyqan për të blerë dhe shikon nga lentet orarin e punës.
Në një të ardhme më të afërt Kuo tha se Apple do të nxjerrë në shitje një pajisje të realitetit të shtuar në mesin e 2022 ndjekur nga syzet në 2025.
