“Historia ime” këtë herë ka shkuar në Shkodër. Është apeli i një nënë e cila është braktisur nga bashkëshorti 7 vite më parë, ende nuk e ka kryer procesin e divorcit dhe po bën një jetë të vështirë, në kushte ekstreme varfërie. Bëhet fjalë për Elmira Boreti, nënë e tre femijeve.
Kamerat e emisionit kanë shkuar tek shtëpia e saj për të parë më nga afër gjendjen në të cilën ajo jeton së bashku me tre fëmijët.
Gazetarja e emisionit pasi ka hyrë brenda në shtëpinë e gruas, ka pyetur vajzën e madhe se cila është dëshira e saj më të madhe.
Gazetarja: Cila është dëshira jote më e madhe?
Vajza: Të na hiqen ato borxhet sepse na ndalin njerëzit rrugës dhe na pyesin a jeni fëmijët e filanit dhe ne i themi po. Ata na thonë, thojini atij babës tënd që të na i sjellin ato borxhet ose ndryshe ju grabisim juve (qan).
