Dy persona janë arrestuar në Shkodër, teksa u kapën duke transportuar me një automjet, 3 emigrantë të paligjshëm nga India.
Të rinjtë, 21 dhe 25 vjeç, u lokalizuan nga policia në afërsi të rrethrrotullimit të fshatit Dobër.
Pas kontrollit në automjetin e tyre tip “Volkswagen”, u konstatuan 3 emigrantë nga India, të cilët po transportoheshin, kundrejt pagesave, me qëllim kalimin e kufirit, në mënyrë të kundërligjshme, me destinacion vendet e BE-së.
Automjeti u sekuestrua me cilësinë e provës materiale, së bashku me 150 euro të dyshuara të përfituara nga transportimi.
