Katër persona kanë marrë lëndime të lehta trupore nga tetë aksidentet në komunikacion çka ndodhën gjatë natës së kaluar në qytetin e Shkupit.
Siç njoftojnë nga MPB, policia ka sanksionuar 27 vozitës të cilët kanë vozitur me shpejtësi më të madhe nga se është e lejuar, një vozitës i cili ka qenë nën ndikimin e alkoolit, dhe shtatë vozitës për mos pajisje me patentë shoferi.
Nga komunikacioni janë ç’kyçur gjashtë vetura të paregjistruara, një veturë është ç’kyçur për shkaqe të problemeve teknike, ndërsa me ndihmën e “merimangës” janë larguar 55 vetura të cilat nuk kanë qenë të parkuara në mënyrë të rregullt.
