Policia gjatë bastisjeve në dy lokacione në Shkup ka arrestuar personat A.I. 26 vjeç dhe S.S. 32 vjeç, të dy nga Shkupi.
Tek të njëjtit policia ka gjetur armë, municione dhe substanca narkotike.
“Gjatë kontrolleve, në shtëpinë e A.I. janë gjetur dhe sekuestruar një pushkë automatike me pajisje optike, një karikator automatiku me 28 plumba, nëntë pajisje elektronike me magnet, tre kamera digjitale, dy pajisje elektronike, dy thasë me lëndë bimore.
Ndërsa në shtëpinë e S.S. janë gjetur dhe sekuestruar një pushkë automatike me një karikator plumbash, një pistoletë automatike me një karikator plumbash, një shurdhues, një kuti me 32 plumba 7.62 mm, thikë, një qese me lëndë pluhuri të bardhë”, thonë nga MPB.
