Inspektorët e Drejtorisë së Policisë Financiare kanë hyrë sot në qytetin e Shkupit për të kontrolluar se si është realizuar dekorimi i kryeqytetit për Vitin e Ri, konfirmojnë për AIM-në nga Drejtoria e Policisë Financiare.
Drejtoria e Policisë Financiare nuk jep më shumë detaje, duke theksuar se hetimi paraprak është sekret dhe pas përfundimit të hetimeve do të jepen masat e duhura ligjore.
“Duke pasur parasysh se të gjitha veprimet e ndërmarra në procedurë para hetimore, konform nenit 289 të Ligjit për Procedurën Penale, konsiderohen të fshehta, për kallëzimet e pranuara dhe dijeninë për veprime të mundshme të inkriminuara nga personat përgjegjës, Drejtoria e Policisë Financiare do të dorëzojë parashtresën përkatëse me shkrim te prokurori publik kompetent”, thonë nga Drejtoria e Policisë Financiare.
