Ish-ministri i Drejtësisë Ylli Manjani, përmes një postimi në “Facebook”, ka komentuar deklaratën e kryeministrit Edi Rama, pas dorëzimit të mandateve të deputetëve të opozitës.
Sipas Manjanit, deklaratat e Ramës i shumëzojnë me 0 të gjitha çfarë thonë njerëzit rreth tij, duke i vënë edhe nofka në gjuhën e “rrugës”.
“Kanë një të mirë këto deklaratat e Ramës në kësi rastesh: shumëzon me 0 të gjitha trapllëqet që këpusin mizat kalit rreth tij…”, shkruan Manjani.
Gjatë deklaratës së djeshme, Rama theksoi dje se e vetmja rrugë bashkëpunimi me opozitën është ulja në një tryezë dialogu dhe jo zgjedhjet e parakohshme e qeveria tranzitore e kërkuar nga opozita.
