Ish-presidenti Bamir Topi ka promovuar dje librin e tij, “NOKTURN” (Kur arsyeja errësohet nga pushteti). Ceremonia e prezantimit të librit u zhvillua pranë rezidencës “Topi” në Tiranë.
Gati shtatë vite pas largimit nga detyra e kreut të shtetit, Bamir Topi ka vendosur të vijë ndryshe para publikut me një botim sa autobiografik aq edhe politik.
Në prezantimin e librit morën pjesë figura të njohura të politikës dhe jo vetëm. Mes tyre ishte edhe presidenti i vendit Ilir Meta.
Nëpërmjet një postimi në Facebook, Meta e ka cilësuar Topin një mik dhe koleg të mirë.
“Kënaqësi të merrja pjesë në promovimin e librit ‘Nocturn – Kur arsyeja errësohet nga pushteti’, të mikut dhe kolegut tim, ish-Presidentit, Bamir Topi”, shkruan Meta.