Ambasada Turke, ka shtruar Iftar në sheshin “Nënë Tereza” në kaudër të muajt të bekuar të ramazit. Ambasadori i Turqisë në Tiranë, Murat Ahmet Yörük, tha se bota po kalon momente të vështira njerëzimi po mbahet larg tolerancës dhe mirëkuptimit.
Ambasada e Turqisë në Shqipëri ka shtruar iftar në Tiranë ku kanë marrë pjesë personalitete nga sfera të ndryshme. Iftari u shtrua në sheshin "Nënë Tereza" nga ndërsa ishte i hapur për të gjithë besimtarët.
Ambasadori i Turqisë në Tiranë, Murat Ahmet Yörük në fjalën e tij vuri theksin në muajin e bekuar të Ramazanit për të frymëzuar që të jemi më vigjilentë ndaj ngjarjeve që po ndodhin në ditët tona.
Murat Ahmet Yörük: "Për fat të keq, po kalojmë një periudhë të vështirë, ku njerëzimi po mbahet larg tolerancës dhe mirëkuptimit dhe ku dallimet apo diversitetet, të cilat janë pjesë përbërëse e trashëgimisë sonë globale po kthehen në objekt konfliktesh. Sulmet terroriste që ndodhën në muajt e fundit në Zelandën e Re dhe në Sri Lanka, veçanërisht sulmet brutale kundër xhamive në SHBA, Kanada si dhe në Europë, na tregojnë madhësinë e kërcënimit të paraqitur nga ky konflikt"
Diplomati Turk, tha se sot fatkeqësisht shohim se fenomene si anti-islamizmi, antisemitizmi, antikrishtërimi, anti-emigracioni po ndikojnë gjithë botën.
Murat Ahmet Yörük: “Për fat të keq partitë politike të krahut ekstrem të djathtë, populiste dhe polarizuese që përdorin këtë gjuhë urrejtjeje depërtojnë në qendër të politikës. Ata i udhëheqin masat e papërgjegjshme drejt qëllimeve konfrontuese dhe jondërtuese. Por le të mos harrojmë se për sa kohë që ne jemi të bashkuar do të forcohemi kundër këtyre fenomeneve çdo ditë e më shumë"
Gjatë muajit të bekuar të Ramazanit, ambasada turke ka shtruar iftare vazhdimisht në qytete të ndryshme të Shqipërisë si dhe ka shpërndarë ndihma për shtresat në nevojë.
