132 raste të reja me covid dhe 3 humbje jete në 24 orët e fundit

Shqipëria

132 raste të reja me covid dhe 3 humbje jete në 24 orët e fundit

Më: 28 shtator 2020 Në ora: 16:14
Foto

Ministria e Shëndetësisë dhe Mbrojtjes Sociale ju bën thirrje qytetarëve të mos e ulin vigjilencën për zbatimin e masave antiCOVID

Në institucione arsimore, në biznese, në transportin publik, kudo në ambiente të brendshme dhe aty ku nuk ruhet distanca, është e domosdoshme që të vendoset maska në mënyrë të tillë që të mbulojë hundën dhe gojën.

Është një ndër masat më efikase që e kufizon përhapjen e infeksionet, sikundër është shumë e rëndësishme të respektohen rregullat e distancimit social dhe të higjienës, për të kufizuar përhapjen e COVID19.

Ju informojmë mbi situatën epidemiologjike në 24 orët e fundit. Janë kryer 824 testime dhe janë konfirmuar 132 të prekur me virusin Sars-Cov2 në këto bashki : 31 raste në Tiranë, 15 në Elbasan, 12 në Durrës, 10 në Fier, nga 7 raste në Lezhë, Pogradec, nga 5 raste në Shkodër, Korçë, Mirditë, Berat, nga 4 raste në Lushnje, Përmet, Bulqizë, nga 3 raste në Tropojë, Gjirokastër, Patos, nga 2 raste në Fushë-Arrëz, Kolonjë, nga 1 rast në Has, Vlorë, Librazhd, Kamëz, Ura-Vajgurore.

Në 24 orët e fundit 95 qytetarë e kanë fituar betejën me Covid19 duke e çuar numrin e të shëruarvë në 7629 që nga fillimi i epidemisë.

Aktualisht në spitalin Infektiv dhe “Shefqet Ndroqi” po trajtohen 185 pacientë, 16 në terapi intensive nga të cilët vetëm 4 pacientë janë të intubuar.

Në 24 orët e fundit, me gjithë përpjekjet e mjekëve, fatkeqësisht e kanë humbur betejën me COVID19, një 58 vjeçare nga Tirana, një 63 vjeçar nga Lushnja, një 66 vjeçar nga Fieri, me sëmundje bashkëshoqëruese.

Ministria e Shëndetësisë dhe Mbrojtjes Sociale i shpreh ngushëllimet familjarëve.

Në çdo rast kur keni shenja të sëmundjes telefononi në numrin unik të Urgjencës Kombëtare 127. 

Telefononi në linjën e gjelbër falas 0800 40 40 për t’u lidhur me mjekun e familjes, të merrni këshillim psikologjik si dhe të informoheni saktë mbi COVID-19.

COVID-19 – Statistika (28 Shtator 2020)

Testime totale                   86378

Raste pozitive                    13391

Raste të shëruara             7629

Raste Aktive                        5382

Humbje jete 380 (Qarku Tiranë 180, Durrës 46, Shkodër 40, Elbasan 26, Fier 22, Korçë 19, Lezhë 16, Kukës 10, Dibër 8, Vlorë 7, Gjirokastër 4, Berat 2).

Shpërndarja gjeografike e rasteve aktive sipas qarqeve:

Tiranë                 2632

Durrës                  591

Shkodër               391

Elbasan               318

Lezhë                 305

Korçë                  252

Fier                      244

Vlorë                   198

Kukës                  154

Berat                     112

Dibër                     107

Gjirokastër              78

Rendit zhvillimet sipas orarit:

 Të Fundit Të Parat 

Ora 15:55

Infektohen me koronavirus 3 mësues në Përmet, vetëkarantinohen në banesat e tyre

Janë infektuar me koronavirus tre mësues tek gjimnazi "Sami Frashëri" në Përmet. Ata janë vetëkarantinuar në shtëpi dhe pritet të dalin rezultatet e tamponit.

Akoma nuk ka informacione nëse ka nxënës të infektuar. Për momentin mësimi vazhdon normalisht.

Lajmi i të infektuarve u konfirmua nga kryetarja e Bashkisë së Përmetit për Report Tv. Ajo tha se akoma nuk ka një vendim për pezullim të procesit mësimor.

  

 

Ora 10:37

Tre raste të reja me koronavirus në Gjirokastër, infektohet një nxënës

Këtë të hënë (28 shtator) në Gjirokastër u raportuan tre raste të reja me koronavirus.

Një prej tyre është një nxënës në shkollën "Koto Hoxhi" në Gjirokastër.

Ndërkohë një tjetër rast është një punonjëse tek fasoneria që u mbyll.

Gjithashtu dhe një efektiv policie i Gjirokastrës rezultoi pozitiv.

Ditën e djeshme (27 shtator) ka pasur një bilanc pozitiv të koronavirusit ku ka pasur më shumë të shëruar se të infektuar.

137 persona fituan betejën ndërkohë që 106 raste të reja u raportuan me covid.

Shfaq komentet
comments powered by Disqus
Sot mund të lexoni Shfletoni kopertinat