Kreu i Partisë Demokratike, Lulzim Basha, thotë se ka patur sot disa biseda me përfaqësues të komunitetit ndërkombëtar lidhur me zhvillimet e fundit.
Basha nënvizon se ndau me ta thirrjen për një hetim transparent dhe drejtësi për vrasjen e Klodjan Rashës, si dhe zbardhjen e përpjekjeve për manipulimin e ngjarjes dhe vënien e përgjegjësve para ligjit.
Nga ana tjetër kryedemokrati thekson se dënoi gjuhën e urrejtjes të përdorur nga kryeministri, si dhe brutalitetin dhe dhunën e policisë ndaj minorenëve dhe gazetarëve.
Basha: Përsëris thirrjen për të ndalur brutalitetin e policisë dhe për të garantuar të drejtën e protestuesve për të protestuar të lirë dhe paqësisht.Me 25 Prill ne do ta largojmë këtë qeveri dhe do të sjellim shpresë dhe ndryshim për Shqipërinë.
