Irritimi për vrasjen e 25-vjeçarit Klodian Rasha nga efektivi i policisë edhe tre ditë nga ngjarja e rëndë, ishte po i njëjtë.
Grupe të mëdha të rinjsh të shpërndarë në zona të ndryshme të qytetet, shkaktuan vatra tensioni e përplasjesh me uniformat blu.
Menjëherë sapo nisi protesta përballë kryeministrisë, policia me autobotet e saj të ujit dhe gazin lotsjellës shpërndau turmën, duke bërë që ata të zhvendoseshin më pas drejt zonës së ish-Bllokut.
Thyerje tabelash rrugore, flakë mbeturinave dhe koshat e plehrave në mes të rrugës, ishte ky i njëjti skenar si dhe u bë në dy ditët që lamë pas.
Megjithë revoltën e qytetarëve që kësaj here kërkuan dorëheqjen e kreut të policisë së Shtetit, Ardi Veliu, pas arritjes së “qëllimit” me ministrin e Brendshëm, Sandër Lleshaj, kjo gjë nuk ndodhi.
