Kryetari i FRPD, Belind Këlliçi thotë se në vendet e BE, nëse ministri i infrastrukturës do të filmohej duke ngrënë biftek 1000$, ndërkohë që vendi i tij përmbytej me dy ditë shi, shkarkimi do të ishte në tavolinë të nesërmen.
Sipas Këlliçit, mentaliteti i qeverisë ka ngelur në vitin 2004 duke kujtuar se edhe atëherë shqiptarët ishin në ujë dhe kryeministri socialist
harbohej në buzuqe greke.
“Në vendet e BE, nëse ministri i infrastrukturës do të filmohej duke ngrënë biftek 1000$, ndërkohë që vendi i tij përmbytej me dy ditë shi, shkarkimi do të ishte në tavolinë të nesërmen. Në mos shkarkimi i menjëhershëm, dorëheqja do të ishte e padiskutuar.
Po kjo ndodh me individët politikë që kanë vetëdije qytetare, mendësi politike europiane dhe mbi të gjitha, kur në fokus kanë qytetarët. Na kanë kthyer pas në kohë. Mentaliteti i kësaj qeverie ka ngelur në vitin 2004. Edhe atëherë shqiptarët ishin në ujë dhe kryeministri socialist harbohej në buzuqe greke. Duhet seriozitet! Duhet punë konkrete! Duhet ndryshim!”, shkruan Këlliçi.