Policia e Tiranës ka evidentuar dhe ndëshkuar dy administratorë lokalesh për shkelje të masave anticovid.
Sipas njoftimit, dy administratorët janë gjobitur me masë administrative 1 milionë lekë secili pasi u konstatua grumbullim i madh personazhe dhe ushtrim i aktivitetit në kundërshtim me masat anticovid.
“Shtetasin D. Z., pasi në lokalin në administrim të tij, shërbimet e Policisë kanë konstatuar grumbullim personash, në kundërshtim me Aktin Normativ, si dhe muzikë të lartë që prishte rendin dhe qetësinë publike.
Shtetasin M. K., pasi në një bar-longue që ai menaxhonte u konstatua për herë të dytë duke ushtruar aktivitetin e tij në kundërshtim me masat anticovid. Në përfundim të veprimeve u mbajt dhe akt-konstatimi për mbylljen e aktivitetit”, njofton policia.
Drejtoria Vendore e Policisë Tiranë apelon për të gjithë pronarët dhe administratorët e lokaleve që të respektojnë me korrektësi masat anticovid.
