Kryeministri i Shqipërisë Edi Rama, kryetari i Bashkisë së Tiranës Erion Veliaj dhe ministri i Rindërtimit, Arben Ahmetaj ishin në Ndroq ku i dorëzuan shtëpinë e rindërtuar një tjetër familje që kishte mbetur e pastrehë nga tërmeti i vitit të shkuar.
Më herët ata inspektuan edhe kantierin e ndërtimit të një lagje të re me 74 shtëpi që po ndërtohen në këtë zonë dhe ku do strehohen më shumë se 400 banorë.
Ata i quajtën gënjeshtra elektorale lajmet se shtëpitë e rindërtuara nuk lejohet të shiten apo të jepen me qira.
