Vaksinimi i personaliteteve në Shqipëri ka ngjallur një debat se kush është më rëndësishme jeta e personaliteteve apo të gjithë duhen të vaksinohen pa bërë dallime.
Sot në “Open” kreu i Urgjencës Kombëtare, Skënder Brataj tha se zgjidhen nga mjeku i familjes, ndërsa analisti Andi Bushati tha se mjeku i lagjes nuk mund të zgjedhë se kush është personalitet dhe kush jo, por vetëm kush është me sëmundje bashkëshoqëruese.
Nga ana tjetër gazetari Dritan Hila duke bërë dhe pak ironi, tha se ia dha truri Edi Ramës dhe e vendosi se kush do jetë personalitet.
Brataj: Unë kam pasur kontakte nga 4 VIP-a shqiptarë. Ju është bërë 80 vetave vaksina, mbi 80 vjeç. Dhe ishin 14 vetëm në Tiranë. Disa më kanë kontaktuar mua dhe nuk ishin të sigurtë ta bënin apo jo vaksinën.
Bushati: Ata janë kontaktuar si figura që kanë dhënë kontribut apo si…
Hila: Ja dha truri Edi Ramës dhe e vendosi…
Brataj: Janë kontaktuar shumë mbi 80 vjeç, jo vetëm personalitete, dhe janë në mëdyshje nëse duan të vaksinohen apo jo. Dhe na shohin ne në televizor dhe kujtojmë se dimë çdo gjë. Unë i thashë që nënën time 76-vjeçe në Vlorë do e vaksinoj. Çdo qytet ka listën e tij dhe kontaktohen personat mbi 80 vjeç. Ai mund të jetë 80 vjeç, mund të jetë personalitet, por mos harroni që mund të ketë dhe sëmundje bashkëshoqëruese.
Hila: Nëse Rama ka dashur që opozita të merret me këtë, ja ka arritur qëllimit.
Vasili: Ju Brataj thoni se këta personalitete janë zgjedhur nga mjekët e lagjes…
Brataj: Janë zgjedhur ata mbi 80 vjeç, me sëmundje bashkëshoqëruese…
Bushati: Aaaa
Hila: Ka të drejtë kryeministri të vlerësojë kush është personalitet, siç ka dhe presidenti tagër të jap dekorata. E ka tagër kryeministri, të jap pensione të veçanta po ashtu.
