Partia Demokratike ka zgjedhur edhe zëdhënësen e fushatës për zgjedhjet e 25 prillit.
Burime zyrtare nga selia blu, kanë bërë të ditur se Floriana Garo do të jetë zëdhënësja e kësaj fushate për zgjedhjet parlamentare.
Garo prej vitesh jetonte jashtë Shqipërisë, në Zvicër, ku edhe ka krijuar familjen e saj.
Floriana Garo do të ketë sot daljen e parë publike si zëdhënëse e PD-së.
‘Në orën 16.50, zëdhënësja e fushatës së PD, Floriana Garo, deklaratë në seli’, njoftoi pasditen e sotme Partia Demokratike.
